info@spcuracao.com
+5999.737.9988

Geraldine's blog

Kasa ta keda bashi despues di morto di kasa!

Na tur mi fiel lesadónan Bon siman i bendishon. Danki pa e tantísimo preguntanan. Ku dedikashon lo mi siguí kontestá tur. Ban wak e pregunta di siman!

Pregunta Abogado Scheperboer-Parris, bon dia i bon siman i Bon Aña. Ami ta e di tres kasá di mi kasá, mi kasá a fayesé un par di luna pasá anto a resultá ku el a traha un tèstamènt I den e tèstamènt el a skibi ku e ta laga su propiedatnan ku e tin na Boneiru na su úniko heredero ku ta su Promé kasá señora A. Mi pregunta ta: ami tabata kasá último ku n’e ami no ta haña nada?

Danki pa e pregunta i sigur unu hopi interesante pa motibu di e lei nobo ku a drenta na vigor 2012. Laga nos ban wak i analisá e pregunta aki. Despues di basta buska m’a haña un diktado kaminda Hues a dikta ku e promé kasá no tin derechi riba nada. Esaki ta promé ku lei a kambia. Dikon e promé kasá no tin derecho? Pasó Hues ta sigi bisa ku probablemente na e momentu ku señora su kasa a laga traha su tèstemènt tabata su intenshon pa e promé kasa dus su kasá na e momento ei heredá tur kos. Pero awor e señora no ta kasá mas ku mener dus supuestamente e señora no ta heredá nèt nèt nada.

Pero na aña 2012, lei a kambia i den prinsipio ta e último kasá ta esun ku ta heredá tur kos, pasó nos leinan no konosé legitieme portie (porshon legítimo) mas. Pero den e kaso aki señora su kasá a traha un tèstemènt i no a kambiele nunka. Esei ta trese ku n’é ku propablemente bo kasá tabata k’é, pa te na ora di su morto pa su promé kasa señora A. ta su úniko heredero. Ta importante pa señora buska asistensia di un abogado pasó kisas señora por apelá e tèstement, dependiendo di echos i sirkunstansianan di e kaso spesífiko aki.

Pues ya bo sa, kasamentu atrobe ta keda un tema hopi delikado i ta bon pa bo ta bon informá kon i kiko ta e sirkunstansianan di bo futuro esposo of esposa. Pasó si e mener aki lo a skibi den su tèstament mi ta nombra mi kasá komo mi úniko heredero anto ta señora lo a heredá tur kos.

Mi konseho di semper, lesa skucha I buska sosten, prome ku bo bisa si ! Sorpresanan desagradabel nunka un ta leu. Nunka bo no sa ken ta ku bo I ken ta kla ku hacha pa kòrta den bo lomba!

Leave a Reply