Kiko ta mi derechi ora mi hürdó no ke paga mi hür di kas?

Un felis dia na tur e fiel lesadónan di e kolumna aki. Na promé luga laga mi diskulpá pa mi ousensia siman pasa. Grip ta dal nos tur abou, pero mester bòns bèk pa sigui sirbi pueblo. E siman aki mi ta para ketu na e tema di hür kas. Bo mester sa ki ta bo derecho i kiko ta bo obligashon.

Pregunta:kiko ta mi derechi ora mi hürdó no ke paga mi hür di kas?

Kontrakt pa hür kas ta un kontrakt partikular i ta kodifiká den buki 7 di BW(Burgelijk Wetboek). Den e buki 7 aki tur kontrakt partikular ta kodifiká por ehèmpel kontrakt di trabou, kontrakt di kompra ets. Den e lei aki ta stipulá derechí i deber di tantu e doño di kas (huisbaas) i e hurdo. Pafó di nos Bw tin un areglo spesial ku ta trata konflikto entre doño di kas i hürdó, e asina yama Landsverordening huur (huurcommissie).

Huurcommissie tei pa evitá ku un ‘huisbaas’ ta hisa e preis di hür sin konsiderashon of si e ‘huisbaas’ saka e hürdó foi kas sin hustifikashon. Esaki ta nifiká ku e hürdó ta protehá.

E definishon di un kas of bibienda ta deskribí den artíkulo 231lid3 bw. Den kaso ku no ta pagando hür, e ora ei, e asina yama ‘wanprestatie’ o sea falta kontraktual ( ora no kumpli ku loke ta den kontrakt)a kuminsá. Falta Kontraktual, ta e situashon ku tin un kontrakt entre dos partido i un di nan no ta kumpliendo ku su parti. Den e kaso aki tin un situashon di fuersa mayor o sea pa impone riba esun ku no ta kumpliendo. No ta papia di “impone” den e situashon ku un hende no por paga hür,i e motibu no ta su falta. Kòrda si, ku hues ta determiná si tin ‘fuersa mayor’ i asina mes, e lo no honr’é fásilmente.

Den e kaso ku hürdo no paga hür por papia di falta kontraktual, anto e fayo ta bira vigente automátikamente. Normal, ta manda un rekordatorio pa e persona paga pero pa hürkontrakt no mester. Ta rekomendabel pa manda un rekordatorio asina bo sa kuantu hür no a paga I ku bo a manda kobra bo hür i bo tin prueba. Un rekordatorio por hasi efekto ku e hürdó por drai paga mes ora.

Si akaso e rekordatario no funshoná e ora ei por bai serka un hues I pidi pa kibra di e hürkontrakt i tambe por pidi hues pa saka e hürdó pafó di e kas. Tambe por pidi hues si e hürdó no ke sali pa sak’e foi di e kas via lei, esei ta nifiká ku autoridat di polis.Pues ja bo sa, si bo ta hür un kas anto e hürdó tin mas ku un luna sin paga, bo por bai un hues i pidi hues pa nulifiká(kibra) e kontrakt pa fòrsa e persona paga hür atrasa I sak’e for di bo kas.

Danki pa bosnan atenshon I kòrda semper ku nos tei kla pa duna tur informashon den e mundu grandi di lei.