Den korant i den notisia a sali masha hopi artikulo tokante di trahamentu di kas ilegal. Loke ku ami ke sa kon un hende por a traha un kas ilegal i kon gobierno por sakele pone na kaya?

Bon siman na tur e fiel lesadónan di e kolumna popular aki. Ban wak e pregunta di siman. Prome ku mi sigui mi mas sinsero deseonan na tur Empleado Públiko di Kòrsou, islanan BES St. Maarten I Aruba ku ainda ta opservá e dia aki:

Den korant i den notisia a sali masha hopi artikulo tokante di trahamentu di kas ilegal. Loke ku ami ke sa kon un hende por a traha un kas ilegal i kon gobierno por sakele pone na kaya?

Danki pa e pregunta i sigur sigur un kaso di lamentá, pero tur kos no ta manera el a sali den korant. Na promé lugá tereno ta propiedat absoluto di su doño e ta hasi i deshasí manera e ke ku su tereno i si tin konstrukshon sin su pèrmit riba su tereno e tin mag di bashe abou òf si e ke e propiedat ta di dje.

Den e situahon ku tereno ta di gobièrno, tereno mester tin plan pa hasi konstrukshon e asina jama ‘verkaveling’ of gobièrno por duna su suidadanonan un pida tereno pa nan por konstruí un kas.

Gobièrno tin e deber di hiba kóntròl riba su propiedatnan i si akaso tin konstrukshon ilegal ta tuma lugá, esta sin e pèrmitnan nesesario, Gobièrno por hasi dos kos:

1) e por duna e persona un tempu pa e stòp ku e aktividad ilegal òf:

2) e por duna un persona un but pa kada dia ku e sigui ku e   konstrukshon.

Tambe Gobièrno por laga basha e konstrukshon abou riba kuenta di e persona ku ta kometé e akto ilegal.

Awor, si Gobièrno no a hiba kòntròl manera mester ta, esta si Gobièrno no a pèrmití hende konstruí ilegalmente riba su propiedat, e no por basha i ni saka e personanan aki asina asina. E mester tene na kuenta ku e asina yamá “beginselen van behoorlijkbestuur” (prinsipionan di bon gobernashon) i “evenredigheidsbeginsel”(prinsipionan proporshonal). Esei kemen ku Gobièrnu mester tene na kuenta e situashon i si akaso por legalisá e situashon e mester tene esei na kuenta promé ku tuma un akshon severo. Huisio sumario ta usa e punto aki komo punta di salida den kaso di kostrukshon ilegal.

Ta importante pa nos komprondé ku Gobièrno no mester tolerá aktonan ilegal i na promé luga Gobièrno tin mag di tuma akshon.

Pues ya bosa, na momentu di traha un kas riba un tereno ku no ta bo propiedat buska informashon serka instansia outorisá promé i wak pa bo tin bo pèrmitnan den bo man. Bendishon na tur mi rumannan ku ta lesa I kolumna aki ku frekuensha pa sa nan derechi!