Di kon derechi di vota ta sagrado?

Na tur mi fiel lesadónan bon siman i hopi bendishon . Ken ta malkría nan mama manera mester ta tur dia?. Ami a sòru di brasa esnan ku mi konosé i tuma e kalor humano ku nan a warda pa tur ku mester dje. Mi ta spera ku abo tin e kalor aki i ku bo sa kon kompartié. Mi mama ta na bida aínda i tur dia mi ta selebrá i fiesta ku né e tei pa su yu, nientu i bisa nietunan. Dios bendishoná bo Viola bo ta nos reina. Ok nos ta keda den e ambiente ei elekshon i tur loke ta bini aserka.

Pregunta, di kon derechi di vota ta sagrado?

Un pregunta segur hopi interesante, laga nos ban wak kiko ta vota i dikon e ta sumamente importante.Vota ta e derechi di un persona pa vota i skohe su representante pa medio di elekshon den gobiérno. E ta importante paso ta abo ta skohe bo mandatarionan ku segun abo por sirbi e pueblo. Si bo no hasi usu di bo voto e ora ei bo ta duna chens na otro partidonan drenta gobièrno ku kisas, bo no tabata ke.

Ken por bai vota?

Den un pais Demokrátiko e derechi di vota ta un derechi sumamente importante paso e ta mará nan derechi di siudadano, anto solamente den situashonan ekseptional e por wordu kitá fo’i un persona. E lei Kiesregelment Curacao, ta sipulá ku un persona ku pa medio di un veredikto írevokabel di un husio por kita nan derechi  di vota of na un persona ku pa motivo di salu mental no ta apto pa hasi un akto hurídiko

Vota pásifiko of áktivo

Tin dos forma pa vota: pásivo i áktivo. Pásivo, ta e derechi di pone bo mes disponibel pa por vota pa bo, semper i ora ta kumpli ku e eksigenshanan den lei. Áktivo, ta e derechi di vota pa e partido di bo eskoho aki tambe mester kumpli ku e eksigenshanan  den lei, manera 18 añja di edat i ku tin nashonalidad hulandes. Nos miembronan di Parlemento ta skohé kada kuater aña direktamente dor di nos pueblo. Ta bon pa para ketu na e hecho, ku ántes na Korsow no ta tur hende por a vota. Nos hende hòmber nan so por a vota i únikamente esnan ku por a skibi y ku ta tin propiedad. Hende muhé no por a vota mes. Na 1949 nos hende muhénan ta tin mag di vota  pa promé biaha.

Pues ya bo sa………….hasi uso di BO DERECHI di VOTO ta un deber patriótiko! No laga niun hende pusha sen den bo man i bisa vota pa tal partido. Bo derechi Demokrátiko no tin preis! Te oro siman ku Dios ke.