MAYOR KONTRA DI FOTÓGRAFO DI SKOL

Bon siman i bendishon na tur mi fiel lesadónan. E kolumna aki tei tur djaluna pa spièrta bo riba kosnan ku ta pasa na Kòrsou i ku hopi hende no ta para ketu n’é. Djís para ketu na e tema aki i bo ta realisá kuantu kos por bai robes ku un kos masha simpel manera sakamentu di potrèt di bo yu na skol. Kos ku nos tur konosé añanan largu. Pero djís sigui e pregunta ku a drenta serka nos:

Pregunta: Tur aña mi yunan ta saka potrèt i ‘groepsfoto; na skol. Último añanan e potrètnan ta masha fastioso mes i di kalidat hopi malu. Pa kaba di koroná e obra e biaha aki tur hende a haña nan schoolfoto i un di mi yunan no a haña di djé te awe. Abogado, mi a pidi mi se bèk mesora! Awor e skol ta manda mi pa fotógrafo i e ta laga mi sa ku mi ta lat. Mi no a haña mi sèn bèk.

Na promé luga danki pa e pregunta i laga nos ban wak kiko lei ta stipulá enkuantu e tema aki. Den e kaso aki mi no sa si tabatin un kontrakt firmá. Si òf nò i tambe si tabatin kondishonnan general. Kontrakt ta e kombenio entre señora i e fotógrafo kaminda señora ta bai di akuerdi di paga e schoolfoto di e yu, i e fotógrafo ta saka i entrega e fotografo ta saka i entregs e foto ku senjora a skoheya a saka i entregá e foto aki ku señora a skohe. Kondishonnan general ta e lèternan chikitu ku ta stipulákondishonnan manera pago, entrega di foto, tempu pa hasi claim etc . Kondishonnan general mester a wòrdu entregá na señora, i si no t’asina ta mustra manera e fotógrafo ta papia over di un tèrmino pa hasi claim. Si no a traha un afspraak ku señora tokante di esei e ora ei, e fotógrafo mester duna señora su sèn bèk. Si no ta tin un kontrakt e fotógrafo mester duna sèn bèk.  Ta mustra manera e fotógrafo ta sali for di e punto di bista di “wie zwijgt stemt toe”. Pero no ta asina sí.

Na Ulanda tabatin un kaso similar kaminda e mayornan a haña foto ku no a sali na nan agrado. E kaso aki a bai para te den sala i korte i e wes a disidí ku un persona no ta obligá di keda ku e fotonan ei. E mayornan no mester a entregá e fotonan bèk i e fotógrafo mester a duna e mayornan nan sèn bèk.

Pues ya bo sa, foto di skol di nos yunan ta un dushi rekuerdo di nan infansia i ta bon pa keda asina. Next time, ku fotógrafo ta bin skol, informá bo mes promé i pidi e kontrakt, kondishonnan general i asina por evitá situashonnan fèrfelu pa bo i bo yunan. Tur kos bon i te otro siman!