Mi frei a muri durante di mi embaraso, Kon pa hasi pe yu haña su fam?

Bon siman na tur esnan ku ta sigui e kolumna aki tur djaluna. Mi ke kuminsa na gradisi tur esnan ku a kompanja nos durante di e bishitanan ku nos a hasi e fin di siman aki na Banda Bou. Nos tei pa keda I nos ta yega te kaminda ABO ta…un tiki pasenshi nos ta na kaminda!

Pregunta di siman: mi frei a muri durante di mi embraso, despues di su entiero un par di luna despues nos yu hòmber a nanse, mi ke pa nos yu haña su fam pasó e tabata hopi kontentu ku mi a keda na barika I hasta e ta papia di kasamentu. Pero Dios a disidí otro. Kon pa hasi pe yu haña su fam?

Damki pa e pregunta. Un pregunta hopi bon. Tur dia nos ta mira ku un futuro tata ta fayesé promé ku su yu nanse ,sin e haña e oportunidat di atendé tur e asuntunan prome ku sorpresa di morto a bati na su porta.

Laga mi kuminsá bisa ku lei a antesipá riba situashonnan aki, i a stipulá un lei asina yamá  brieven van vaderschap. Ban wak kiko e lei ta stipulá: e lei aki ta stipulá ku paternidat di un hòmber por wordu determiná tambe si e fayesé, a base ku el a engendrá e yu òf a base ku e hòmber tabata bibá ku e mama i e hòmber a bai di akuerdo ku e akto ku ta kondusí na tra un yu ku e mama. Un Hues den prome instansha so por determiná ku e hòmber ku a fayesé ta e tata dor di e mama, solamente si e yu no tin 12 aña ahinda òf dor di e yu mes i por último via di voogdijraad.

E mesun lei aki ta stipulá tambe ku no por hasi e prosedura di brieven van vaderschap, si e yu tin un un tata kaba esei ta si akaso e mama a laga un otro persona rekonosé e yu kaba.

Den práktika nos ta mira ku Brieven van Vaderschap ta sea un karta ku e fayesido a laga tras of deklarashon nan di famianan ku sa kiko tabata e intenshon di e tata promé ku e la fayesé. Tur hende ku hasi e deklarashon mester ta deklará e berdad y mester pone nan sédula I  bisa kiko tabata nan relashon ku esun ku a fayesé. Dus e tata di e yuchi. Na momentu ku Hues dekretá ku e homber ku a fayesé ta tata di yu, e dekreto ta konta foi momentu ku e yu a nansé.

Semper ta bon pa papia ku un abogado promé pa wak kiko ta e kaso presís i asina tuma e akshon ku ta bon i nesesario pa bo.

Pues ya bo sa, no nesariamente bo yu ta keda sin sa of keda sin fam di su tata voral si esei tabata su deseo. Nos ta serka di yega den bo bario. No lubida nos konsultanan tei spesial pa ABO ku tin hopi pregunta I no ta kedando kla ku instanshanan di gobièrnu.