Mi tanchi di 75 aña ta malu i e tin demensia. E no a kasa nunka i e no tin yu kiko mi mester hasi pa yud’é ku su finansas i demas asuntunan?

Danki pa e pregunta. E asuntu aki ta algu ku sigur nos ta mira hopi, tantu ku hende grandi. Esnan di edat  avansá i serka  muchanan ku a keda desampará sin ni un hende pa yuda nan. Den lei nos konosé e figuranan di ‘Bewindvoering, Onder Curatele i Mentorschap’. Dependé e kaso òf situashon anto un di nan ta aplikabel pa e persona. Ta pa persona ku no por tuma desishon nan mes paso por ehèmpel nan tin retraso mental, dementia òf ta adikto.

Ban wak kiko e difirensha ta entre nan tres i kon nan ta òf por funshoná kuminsando ku; Beschermingsbewind:Ta pa persona ku no por hèndel nan mes òf nan asuntu di finansas. E persona onder bewindvoering ta keda handelingsbekwaam: esei kemen ku desishon ku tin di haber ku asuntu personal e mes por disidí. Korte ta apuntá un persona pa tuma desishon di finansas i tambe esun apuntá meser atendé e bienesnan di e persona. Si akaso un persona ta malversá su plaka òf ta gasta su plaka pa loko of tin hopi debe, e regeling aki ta apto p’é. Onder curatele, ta pa personan mayor di edat ku no por regla nan asuntu finansiero i tambe ku no por regla nan asuntu personal.

E persona bou di kuratela ta bira e ora ei handelingsonbekwaam. Aki tambe korte ta apuntá un persona e asina yama Kurator, e persona aki ta tuma tur desishon tokante finansas, kuido, verpleging, tratamentu i guia di e persona. E persona bou di kuratela den sierto sentido ta perde tur kòntròl riba su bida i si akso e tuma un desishon tòg e Kurator por disbstruú òf anulá e desishon aki. Kuratela ta aplikabel den kaso ku  ni ‘ bewindbescherming of mentorschap no ta aplikabel”. Mentorschap, ta pa e persona ku no por atendé nan asuntu personal nan mes. Den kaso aki korte ta apuntá un mentor i e ta keda enkargá ku tur desishon tokante verpleging, kuido, guia i itratamentu di e persona bou di mentorschap.

Ban wak kiko e diferensha ta entre e tres figuranan aki. Bou di Kuratela, ta pa asuntu di finasas i personal di e persona, Beschermingsbewind ta pa asuntu di finansas so di e persona i mentorschap ta pa asuntu personal so di e persona. Kuratela ta mas impaktante ku Bewindvoering paso esun bou di kuratela no por tuma niun tipo di desishon mas sin konsultá ku e Kurator.

Pues ya bo sa si bo tin kualke pregunta kórda ku semper mi tei pa duna bo konseho kiko bo mester hasi…Te oro siman ku Dios su poder!