Mi tata ta Ulandes. Ta posibel ku mi por pèrde mi nashonalidat Ulandes?

E derecho riba Nashonalidat Ulandes ta regla den “Rijkswet Nederlanderschap (RWN)”, e lei aki ta stipula, ku un Ulandes ku ta yu ku na momento di su nasementu, su tata of su mama ta Ulandes, i e ku su tata a fayese prome ku el a nanse. Tambe e lei aki ta stipula ku por perde e nashonalidat Ulandes ora un persona tuma un otro nashonalidat a base boluntario (vrijwillig).

Na momentu di perde nashonalidat ta hasi un separashon (onderscheid)entre persona di mayor of menor di edat. Un menor di edat por perde su nashonalidat dor di:
1. Si e tata no ta rekonose (ontkent) su paternidat (vaderschap).
2. Si anula adopshon.
3. Eliminashon (vernietiging) di rekonosimentu.

Un persona mayor di edat por perde su nashonalidat Ulandes, bolunariamente dor di:
1. E persona ta hasi un deklarashon di tuma distansha (verklaring van afstand).
2. Si e persona ta drenta servisio militar den un otro pais.
3. Si e persona ta bibando mas ku 10 anja ku dobel nashonalidat pafo di Reino Ulandes.

Un persona no ta perde su nashonalidat Ulandes si e persona a nanse den e pais di e otro nashonalidat i si na momento ku el a tuma e otro nashonalidat ei, e tin su biba (hoofdverblijf) na e pais ei of e persona prome ku el a bira mayor di edat durante di un periodo di 5 anja, ta biba den e pais ei. Un otro posibilidat ta si e persona a kasa ku un persona di e pais en kestion.

Pues si un di e puntonan aki ta aplika pa bo, bo no a perde e nashonalidat Ulandes, ta keda pa abo mustra esei. Si akaso bo ta den e situashon ku bo a perde bo nashonalidat, bo por hanje e nashonalidat Ulandes bek dor di hasi e asina yama “vastelling di Nederlanderschap”.

Lektornan tene na kuenta ku prome bo hasi algo sa bo derechi i si bo ta biba den eksterior pafo di Reino Ulandes, semper wak bon prome ku bo tuma sedula of hasi kualke otro transakshon ku e konsekuensha di por perde bo nashonalidat.

Mi ta spera di por a informa bo riba e temanan legal ku tin biaha ta komplika pa nos tur. Bo mes sa unda bo por hanja mi. Te otro siman ku Dios su poder.