minister di Ulanda a lagasa ku nan ke pa Kòrsou bai for di Reino pa kaba, manera e ta bai hasi un moshon pa saka Kòrsou afo. E kos ei por?

Bon siman na tur mi fiel lesadónan. Mare tur bos nan deseonan positivo por kristalisá no awe so, pero pa semper! Ban wak e pregunta di siman:

Señora, bon siman; poko dia ei mi a tende na radio un minister di Ulanda a lagasa ku nan ke pa Kòrsou bai for di Reino pa kaba, manera e ta bai hasi un moshon pa saka Kòrsou afo. E kos ei por?

Danki pa e pregunta i sigur unu hopi interesante, laga nos ban wak. Ántes tabatin hopi pais ku estadonan grandi a kolonisá. Kòrsou tambe a wòrdu kolonisá dor di Hulanda. Hopi paisku a wòrdu kolonisá na un momentu den tempu tabata ke nan independencia i hasta tabatin país ku mester a bringa pa nan bira liber.

Den esei na aña 60, Nashonnan Uní a bin ku un resolushon, den kual a stipulá ku kada pais tin mag di determiná ki status nan mes ke politíkamente. Esei nos ta yama “zelfsbeschikkingsrecht”; kada pais por determiná nan status polítiko i asina tambe nan lo lucha pa desaroyo finasiero, ekonómiko, sosial i kultural.

Un pais por invoká su derechi riba outo determinashon p’asina e por bira outónomo i haña su independensia. Mester puntra e suidadanonan di e país Kiko nan ke, mayoria di biaha esei ta tuma lugá via di un referèndum. E país kolonisadó mester hasi tur kos pa yuda e país jega na e status ku e ke, i no mag di strob’é den e proseso.

Na aña 1951 nos a haña en prinsipio, nos outonomia; e no tabata kompleto, pero e artículonan ku lo a strobanos, nos por a kita nan gradualmente; esei nunka no a sosodéte 10-10-10 ora nos a bira interdependiente den un reinado, lokual no tabata ní un paso dilanti pa ku nos otonomia.

Outonomia no solamente kemen kubo POR kuida bo mes, pero tambe ku bo KÉ kuída bo mes, i a mustra den e delaster 60 aña ku NOS NO KE ESEI.

Nos no ké kuída nos mes, nos no ta kuída nos mes, nos no ta outónomo i ta mustra kla kla ku nos sigur no ke un independencia kaminda nos tin ku kuída nos mes.

Tratádonan internashonal ta bisa ku un kolonisadó tin ku yuda un pueblo bira outónomo, i tanten un pueblo no ta outónomo un kolonisadó no por fòrsa un pueblo para riba su mes pia kaminda klaramente e pueblo no por, ní ké esei.

Dus riba señora su pregunta: “Ta posibel e kos ei?” en kontesta ta -kon ku e minister hulandes ke lora su kurpa- “NO POR!”

Kòrda mi tei semper pa bo!