Nemo censetur ignorare legem

Apresiabel lektornan felis fin di siman i ban wak kiko ta e prekupashonnan ku ta biba den nos komunidat i den e mundu huridiko ku ta importante pa nos sa di dje. Awe un lektor ke mas informashon riba leinan ku asina yama “algemeen rechtsbeginsel” na latin “nemo censetur ignorare legem”.

Den hopi kaso ku presenta den korte i situashonnan huridiko, e kontra partido ta bisa ku e persona mester konse lei. Kiko esaki a nifika?

E asina yama “algemeen rechtsbeginsel” na latin “nemo censetur ignorare legem”, ta stipula ku tur hende mester tin konosementu di lei. Esaki ta nifika ku tur hende mester tin konosementu di e leinan ku ta kodifika na Korsou. E frase na latin ta sali for di e punto di bista ku bo mester konose lei di Korsou.  Pero no mester interpreta esaki di un manera pretu ku blanku komplika. E punto basiko ta, ku e kliente mester tin konosementu di e trayekto di lei ku ta aplikabel  den e situashon legal ku e ta den. Un ehempel, si bo ta den un divorsio, disputa ku belasting, gobiernu, bo donjo di trabou i hasta bo bisinja, bo mester sa e pida lei ku ta aplikabel den e situashon partikular ku bo ta den.

Pa bo sa kua lei ta aplikabel pa e situashon ku bo ta den,  ta bon pa bo drenta den kontakto ku un profeshonal ku sa di lei, den e kuadro aki un abogado of un hurista. Asina aki bo por prepara bo mes i bo sa kiko bo por spera.