info@spcuracao.com
+5999.737.9988

Geraldine's blog

DEFENDÉ MI KURPA I SU KONSEKUENSHANAN

Bon siman na tur esnan ku djaluna fielmenteta lesa e kolumna aki. Ban wak kiko nos  tema  di habri siman. Ayera tabatin kolektamentu di firma kontra di Violensha sin sentido; mi a bai i di bèrdat mi ta spera ku algu lo kambia. Mi mama tabata víktima di ladronisia ku violensha i destrukshon na su kas. Mi mama i nos tur a keda hopi troumatisá e lokual ku ami ke sa of e pregunta ku mi ke hasi ta lo siguente: “Si mi ta na kas anto anti-sosialnan drenta mi kas i hòrta mi pertinensia kiko mi por hasi?”

Danki pa e pregunta i unu hopi importante pa sa kiko ta bo derechi na momentu ku tin un ladron den bo kas, lei ta spesifiká gradualmente e sirkunstansia di intensidad na kaminda un suidadano tin mag di defende su mes. Laga mi kuminsá na stipulá e punto aki ku inprinsipio un suidadano no tin mag di agredí e ladron ku ta den su kas sin mas. Lei ta stipulá ku e suidadano mester ta den un situashon di “noodweer” (defensa legítimo) , ku otro palabra: “wederrechtelijke aanranding van lijf en goed” (menasa kontra di bida i propiedat).

Bo mester haña e situashon na unda bo ta haña bo mes obligá di defendé

bo mes, pasó no a keda bo nada otro pa hasi, paso e anti-sosial :

  1. Ta den bo kas
  2. El a mishi ku bo kurpa, pertinsianan, òf bo famia.

Asinaki un suidadano por defendé su kurpa òf pertinensianan kontra di e anti sosial sin ku ta hañe kulpabel pa lei. Laga mi duna un ehèmpel: si un ladron a drenta bo kas, bo a lanta foi soño kue un panchi of un palu den bo man pa defendé bo kurpa, of bo ta usa bo mes forsa pa defende bo kurpa,e ladron mester ta den e akto di ta kue bo pertinensianan pa bo por defendé bo kurpa ku e panchi of palu,dor di dalé kuné. Mester wak bon si pa no usa forsa dimas. Kemen si e ta inkapasitá, no por usa mas defensa ku ta nesesario.

Mi ta konsehá pa asina e ladron ta inkapasitá bèl autoridad pa tuma over. Tambe ta bon pa sali foi kas mesora i buska yudansa serka bisiña. Den kaso di defensa propio bo mester buska yudansa hurídiko inmedeatamente.

Pues ya bo sa, bo derechi di defendé bo mes no ta asina fásil manera nos ta pensa i tambe no ta asina ku por usa forsa di mas kontra un ladron ku a drenta bo kas pa hòrta bo pertenensia nan. Pasó abo ku a bai na defendé bo mes por haña bo mes den un situashon hopi fèrfelu.

Habri siman ku pensamentunan positivo i produktividat pa nos tur kosecha.

Leave a Reply