info@spcuracao.com
+5999.737.9988

Geraldine's blog

Doño di kas ke sakami for di kas i mi no tin kaminda di bai

Bon siman na tur mi fiel lesadónan, e siman aki nos ta papia di bibienda algu masha importante ku awe bo tin i kisas mañan no. Ta un tema ku por trese hopi kontroversia i bo mester ta na altura di bo derechinan.

Pregunta: Bon dia  señora Scheperboer, mi ta hür un kas pa tempu indefiní  i mi doño di kas a zeg op e kontrato pa motibu di konflikto. E doño di kas a tuma 3 luna pa opzegtermijn ku ta konforme lei. Mi no tin ni un aña den e kas ainda. Mi no por sali den di 3 luna. Kiko mi por hasi den e kaso aki. Dialogá ku nan no ta un opshon. Mi kier huza mi derechi a base di lei. Danki pa e pregunta i sigur unu ku nos ta mira hopi den praktika di tur dia, laga nos ban waak e kaso.

Kontrakt di hür ta kontrantnan ku ta pekuliar i tin nan mes reglanan den nos kódigo sivíl, asina protegiando un partido debil kontra di esnan mas fuerte. Si manera bo ta indiká ku bo tin un hürkontrakt pa tempu indefiní i no tin motibu  urgente manera atraso di hür di bo parti ets, ets, e doño di kas mester bai korte pa terminá e kontrato di ‘onbepaaldetijd’ ku e tin ku bo. Miéntras tantu bo ta keda den e kas te ora hues tuma un desishon.

Si, ta un kontrakt pa un aña bo tin i den e kontrakt no tin tusssentijds opzegging (paro  temporal) reglá, tampoko e doño di kas no tin mag di zeg op e kontrakt. Si doño di kas no ke prolongá e kontrakt  mas, ta na su luga pa pone bo por eskrito i tres luna adelantá prome ku e kontrakt yega su fin.

Naturalmente si a base di akuerdo komun bo ta sali foi di e kas, e ora ei no tin ningun problema. Pero si bo a komporta bo mes bon tantu ku pago di hür i ku tur sobra rekesito ku ta verwacht di un bon hürdo, e ora ei no ta fásil pa e saka bo i voral si bo a indiká kaba di no tin kaminda di bai. Semper ta bon pa dialogá ku otro prome pero mi por kompronde ku no tin espasio pa dialogá mas. Huurcommissie tambe por intermediá pa bo. Miéntras tantu bo ta keda den e kas. Si akaso bo ta sinti bo mes intimidá buska konseho serka bo abogado.

Shonnan siman ta habri i ban resa pa keda positivo. Sea krítiko pero semper a base di bo derechi. P’esei mi tei pa duna bo un man.

Leave a Reply