GOBIÈRNU NOBO ATENDÉ ALIMENTASHON DI NOS MUCHANAN!

Bon siman, bendishon  i tur kos bon! Awe ministernan nobo ta huramentá pa kuminsá traha.Pa pueblo e ta nifiká ku alivio ta na kaminda, ku kos ta bira mihó of ku e wega di “quitate tu pa ponerme yo” ta bai sigui? E motibu ku mi ta para ketu aki nan ta pa váriosmotibu i mi ta evaluando seriamente aki dos ministerio: SOAW i OWCS.

Ta ministerio di Desarayo Sosial, Labor i Bienestar e ministerio di stimulashon di lasonan sosial i kultura, barionan, merkado laboral, relashon di trabou di e trahadó seguridat sosial i justisial, desaroyo di mucha i famia. Banda di dje nos tin e ministerio di Siensia, Enseñansa, Kultura i Deporte ku ta mará na un base ku ta determiná ki kalidat di enseñansa nos ke duna nos muchanan pa tur por haña oportunidat di yega nan meta máksimo. Tur dos Ministerio ta sali na vanguardia di desaroyo i enseñansadi nos muchanan. Un base ankrá den nos Staatsregeling (areglo di estado) un derechi fundamenal ku nos tur tin. Banda di esei nos tin tambe e Tratado Internashonal ku ta pará pa Derechi di Mucha ku gobièrnu tin e deber di stimulá, pone maneho i hasi tur kos den nan  poder pa e derechinan di nos muchanan wòrdu kumplíi protehá.

E poblashon aki ta konsistí di siudadanonan ku ke mira kambio i progreso den nos pais. Kambionan ku ta hasi nos fuerte i ku ta krea oportunidatnan nobo espesialmente pa nos muchanan. Nos yunan te ainda ta esnan ku no meresé di keda ku gana di nada. Tin un porsentahe grandi di mucha ku ainda ta bai skol sin kuminda of alomenos sin desayuno. Tin dos programa di alimentashon ku ta responsabilidat di Ministerio di enseñansa i Ministerio di OWCS ku no ta kanando. E Kinderrechtenverdrag di Nashonnan Uni a dekretá ku tur mucha entre 8 pa 18 aña tin derechi riba un bida saludabel esei ta enserá sufisiente kuminda saludabel. Tambe nos Staatsregeling (areglo di estado) ta stipuláku Gobièrnutin e deber aki pa ku nos muchanan.

Na Mart 2017 Gobièrnu a duna pèrmit pa lechi bai skol bèk, pendiente di un destaho públiko ku mester tene ainda. Mi ta spera ku ta tene kuenta ku tin mucha ku no por ku lechi i ku semper  por ofresé nan algu otro na lugá di lechi so manera por ehèmpel, yòhurt ku ta saludabel. Nos Pais tin un deber grandi ku nos muchanan, pasó un mucha ku hamber no por konsentrá na skol. E minister nobo sra. Marilyn Alcala-Wallé mester pone prinsipionan di bon Gobernashon den akshon huntu ku e minister nobo di SOAW sr. Hensley Koeiman, i pone nos muchanan na prome luga.

Pues ya bosa Gobièrnu tin un deber grandi pa salú di nos muchanan kuta ankrá den nos Staatsregeling (areglo di estado)i den Kinderrechtenverdragkunos tambe a ratifiká. Mamanan eksigí derechi di bo yunani forma parti di e desaroyonan i sali pa derechi di bo yunan.