info@spcuracao.com
+5999.737.9988

Geraldine's blog

Molèster di musik duru den bario

Bon siman bendishon i danki na tur mi fiel lesadónan ku ta sigui manda pregunta pa mi riba vários tema. E siman aki nos ta amplia riba zonido duru. Ban lesa!

“Bondia, abogado Geraldine, mi bisiña ta toka tumba hopi duru na su kas hinter dia, mi por reklamá? Meskos ta konta pa fiesta den tempu di karnaval of fiesta en general manera hasimentu aña ets.”

Danki pa e pregunta, i unu hopi interesante tambe laga nos ban wak kiko nos leinan vigente ta stipulá enkuantu di e asina yamá Hinder of Overlast.

Overlast of hinder por bin den di

ferente forma, por ehèmpel muzik duru, huma, sushi, bestia, chòler, ets, ets,

E susesonan aki hopi bia ta trese strès, malkontentu i konfrontashonnan entre bisiña sin ta na nodi.

Esnan responsabel primeramente na momentu ku tin hinder/overlast ta nos Gobièrnu, Polis i otro instashanan, pero abo komo persona/bisiña tambe tin e solushon den bo man. Overlast of Hinder ta prohibí voral si e orario ku muzik ta toka ta iregular i demasiado duru. Pa por kalifiká komo tal mester tene kuenta ku diferente faktor manera e origen, kon largu muzik ta toka,e bisindario, i e magnitut di e  (molèster) i e daño ku e ta okashoná. Mayoria biaha por laga midi e decibel di e hinder i esaki ta un eksperto por determiná esei. Ekspertonan di GGD (Servisio Ambiental) por duna mas info.

Si resultá ku e persona ku ta okashonando e molèster, e ora ei por kuminsá un kaso den korte i un abogado por yuda. E trayekto ku semper mester kana promé ku yega abogado, purba komo bon bisiña  kon atendé bo mes promé. Tambe si bo ta biba den un “gated community” (bario será) buska intervenshon di e asosashon di e gated community. Semper tin regla i trese e reglanan dilanti. Si akaso bo mes a purba i esei no duna resultado anto e ora ei yama polis mes ora.

Den nos leinan ta stipulá si akaso bo ta biba den bario kaminda di snek of terasa e orarionan ku nan tin mag di toka musik i e volumen ku nan tin mag di usa. Si akaso e snèk ta ilegal dus ku e no tin permit e autoridadnan konserní mester aktua.

Pues ya bo sa, si den bo bario bo tin hinder/overlast di situashon ku trese strès, bo no mester sinti ketu por aktua i semper wak bo keda den liña di lei i desensia. Semper tin kos ku nos por evaluá e base legal i kiko e ta nifiká pa bo. Mi tei pa yuda bo..bo sa unda nos ta!

Leave a Reply