info@spcuracao.com
+5999.737.9988

Geraldine's blog

KIKO TA E DERECHI DI MI WELA?

Pregunta: Señora mi wela tin años ta hür un tienda serka un señora, mi a lanta mucha mirando mi wela ta bende kos ku mucha di skol den e tiendesita ei. Mi wela a manda nos skol, kumpra outo i asta traha su kas foi di su negoshi di bende kos. E doño di e edifisio ta un señora estranhero ku a naturalisá i e ku mi wela a biba manera bon amiga ku otro. Un aña pasa e doño di e tiendesita a bin na fayesé, e no a kasa nunka i no tin yu tampoko. Ta un subrina di dje a bin foi Londres parse ku eta e señora su úniko heredero. Awor e subrina aki no ke sigui ku hürmentu pasó e no ta biba aki i ke pone e tiendesita na benta. E loke ami ke sa kiko ta e derechi di mi wela?

Danki pa e pregunta i laga nos ban wak kiko lei ta stipulá tokante di e tema aki. Laga mi kuminsá na bisa ku e solo hecho ku e hürdó a bin na fayesé no ta kambia nada na e kontrakt di hür. Ku otro palabra bowelita por sigui hasi su negoshi trankil. Awor si esun kuta heredero ke bende e edifisio, mester informá kuantu e ke bende e edifisio, i kisas bo welita ke kumpr’é. Si esei no ta e kaso otro hende ku ta interesá lo ke kumpr’é esei ta trese kune ku hürdó mester atendé ku e persona ei pasó ta e a bira doño di e edifisio. E kumpradó ni e heredero no ta bira doño di e kontenido di e tiendesita.

Tene na kuenta si ku e doño nobo, si akaso e tin otro planes ku e edifisio e por aplika e asina yamá beeindigingsclausule (klousulá di terminashon) di e kontrakt. Mester analisá kiko a konbení den e kontrakt.

Pues ya bo sa,ta bon pa tuma kontakto ku un Notario pa investigá si tin tèstament i si enbèrdat e persona ta famia i heredero di e doño di e edfisio. Tambe bo mes por akudí na testamentenregister(registro di tèstament). Informá bo mes asina bo por yuda bo welita ku e kaso aki. Semper por buska un situashon neutral pa asina evitá pèrdida di tempu, sèn i diskushon sin ta nesesario.

Sigui hasi bon i e resultadó ta pa bo i tur esnan rondó di bo.

Leave a Reply